[ad_1]
( प्रगत भारत । pragatbharat.com)
काय आहे मिलिंद सोमणचा डाएट
मिलिंद सोमण इन्स्टाग्रामवर खूप ऍक्टिव आहे. कायमच आपल्या फिटनेसचे किंवा डाएटचे फोटो तो अपलोड करत असतो. मिलिंदने त्याचा डाएट प्लान शेअर करताना सांगितलं की, तो सकाळी उठल्यावर जवळपास ५०० मिली लीटरहून अधिक पाणी पितो.
असा असतो नाश्ता
सकाळी १० वाजता मिलिंदचा नाश्ता होतो. ज्यामध्ये तो काही सुकामेवा म्हणजे ड्रायफ्रुट्सचा समावेश करतो. तसेच फळांमध्ये पपई, टरूज आणि हंगामी फळांचा समावेश करतो.
(वाचा -श्रावणातील उपवास कसे कराल? बाबा रामदेव यांनी सांगितले या दिवसांत आरोग्य कसे जपाल?
जेवणात खातो हा एकच पदार्थ
दुपारचं जेवण हे मिलिंद सोमण दुपारी २ वाजता करतो. यामध्ये सामान्यपणे मिलिंद डाळ आणि तांदुळाची खिचडी घेतो. खिचडीत लोकल आणि हंगामी भाज्यांचा समावेश केला जातो. तसेच जेवणात दोन चमचे तूप देखील असते.
कधी कधी मिलिंद खिचडी ऐवजी चपातीचा समावेश करतो. मिलिंद ६ चपात्या, भाजी आणि डाळचा समावेश करू. तसेच महिन्यातून एकदा थोडंस चिकन / मटण तसेच अंड्याचा समावेश देखील असतो.
(वाचा – Teeth Whitening : औषधं, टूथपेस्ट सोडा..4 फळांनी दातांवरचा पिवळा थर आणि काळ्या हिरड्या स्वच्छ करा, नैसर्गिक उपाय)
संध्याकाळी काय खातो
संध्याकाळी मिलिंद ५ वाजेपर्यंत एक कप काळी चहा घेतो. काही वेळा तो गोडवा आणण्यासाठी यामध्ये गुळ टाकतो. काळ्या चहाला कोरा चहा असे देखील म्हणतात. यामुळे ऍसिडिटिचा किंवा पित्ताचा कोणताच त्रास होत नाही.
(वाचा – Sagging Breastवर उपाय म्हणून अंडरवायर ब्रा वापरताय, शरीरावर होतोय घातक परिणाम?)
यावेळी घेतो रात्रीचं जेवण
रात्रीचं जेवणं मिलिंद सोमण ७ वाजता करतो. ज्यामध्ये एक प्लेट भाजी खातो. अगदीच जास्त भूक लागली तर मिलिंद सोमण खिचडीचा समावेश करतो. मिलिंद सांगतो की, रात्रीच्या जेवणात तो मांसाहाराचा समावेश करत नाही.
(वाचा – रंगावर जाऊ नका, काळ्या हळदीचे जबरदस्त फायदे, Diabetes ते Weight Loss पर्यंत सगळेच राहिल कंट्रोलमध्ये)
रात्री झोपण्यापूर्वी हे पितो
रात्री झोपण्यापूर्वी मिलिंद सोमण पाण्यात थोडी हळद घालून ते पितो. यामध्येही थोडा गोडवा असल्यास गुळाचा समावेश करतो. मिलिंद सांगतो की, जर कोणता गोडाचा पदार्थ घरी तयार झाला तर त्यामध्ये फक्त गुळाचा समावेश असतो. तसेच तो कोणत्याही रिफाइन्ड, प्रोसेस्ड आणि पॅकेड फूडचा समावेश आहारात करत नाही.
या गोष्टी करत नाही
मिलिंद सोमण कोणतीही सप्लिमेन्ट किंवा एक्स्ट्राचं व्हिटॅमिन घेत नाही. तसेच पाणी भरपूर पितो मात्र थंड पाणी आवर्जून टाळतो. कोणतंही थंड पेय तो घेत नाही. या डाएटसोबत मिलिंद ४ वेळा काढा घेतोय.
टीप : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.
[ad_2]
